الــسوفت ويرر بتــاع موبيلي خرب وقالوا يروح التوكيل يظبط .. طب مووووش ممكن يظبطوا الـسوفت ويرر بتاع دماغي ..
ياااله . القصد .. عندي مكالمه مهمه وموش عارفه أعمل أيه !!..('.').. أكتبها بقى وامركم لله
آآآلووو .. السلام عليكم .. أزيك يا مصر وحشـــــــــــناي يا آماه والله .. طمنيني عليك .. قلبي بيرفرف حواليكي قولي لي أنتِ عامله آآيه .. أزيك وأزيك ولادك الجدعان الثوار
بيقولوا أنهم قلقانين وخايفين بيقولوا الثورة بضيع .. صحيح ياآماه طمنيني قولي لي أنه لأ لأ موووش ممكن .. ولاه عمره ح يكون أبداً أبداً ..
صحيح هو الناس غضبانين واضربات ومظاهرات في كل المصالح الحكومية تقريباً كانت اليوم .. وقال أيه أهل النوبة الطيبين أنتفضوا وثاروا ولهم الحق لما يستهينوا بيهم .. لأ وأيه الجديد بقى أنهم يا حول الله حسيين بتفرقه عنصرية .. أتوجعت أوووي ياآماه لما سمعت كده وقلبي ووجعنـــي .. ما تخليت هذا أبداً يحصل فيكي ..
ولـسه المحاكمات العسكرية .. وحقوق الشهداء والأموال المتهربة وفلول الوطني ما تم في أمرهم شئ ولسه ما تم جدول زمني لتسليم المجلس العسكري إدارة شئون البلاد... تييب أأأأأيه .. ليــــــــــــــه بـس ؟!!
بجد يا آمااه همـا ولادك الثوار بيسألوا هي ثورة ولاه مؤامرة بجد
تـيييــب أستني ح أقول لك على حاجه غريبة .. فاكرة يا أمي لما كنت دايماً أقول أني لا أحب لـما حد يسألني هو أنتِ فيكِ عرق تركي .. فاكرة كنت بزرزززررررر ! قد أيه .. رغم أنه نصف المصريين فيهم عرق تركي ..
كنت لاأفخر أبداً وأشعر أنه سبب نكبه الأسلام هو الدوله العثمانية واللي بوقعها وقعت معها وحده الأمه الأسلامية تقريباً
ولما كنت أقول : أبحثوا عن أي نوع ساعة في جوجل أو أي موقع عن أي ساعه من أي نوع تلاقي الصور على 10 و10 ورغم حبي للرقم لأنه تاريخ ميلادي .. لـكن للسف هذا الرقم هو التوقيت الذي أعلنت فيه تركيا أنها دولة علمانية !!!
بــــــــــــس تعرفي تركيا الآن أأأأأيه .. بس تصفحي جرائد تشرح القلب الحــــزين ياما شفتي موقفها مع الصهاينة كان أزاي
رئيس الوزراء التركي رجب طيب اردوغان قال :لن تتراجع عن مطالبتها اسرائيل بالاعتذار لها
قولي لي بقى حكام بلدنا عملوا أيه لولادك اللي أستشهدوا على الحدود ... دول عملوا لهم جدار عازل امام السفارة بتاعتهم أديني عقلك بقى .. آآآآآآآه يآآآآآآمي .. عقلي جن والله ما بيت أعرف أحي مين أحترامه وأغضب من ميــن بـــس آآآه
شــفتِ حصل أيه للمصريين المتمرين في السعودية!!!
لأ و بيقولوا كمان في محاميين جايين من الكويت .. يترفعوا عن المخلوع ... الضغط ياآآآآمااه جالي بــس أقول أية .. صدق رسول الله (ص) لما قال : إن لم تستحي فأفعل ما شئت
عارفه عرفت الآن ليــه يقولون أنك ( أم الدنيا ).. فهمت عارفه لأنك مستحمله وشايله الكل بصدر رحب
الأم .. اللي بتقف في المطبخ طوال رمضان والأعياد والمناسبات( بجلابية المطبخ ) – عرقانه وحرررااانه من حرارة المطبخ تعجني وتخبزي وتسوي .. وباقي العائله في الشقه اللي نايم واللي بيلعب واللي بيتفرج على التليفزيون وفي الأخر .. تضع الأكل على السفرة .. وكلهم في أفضل حاله وكامل ثيابة الأنيقة وده يسخر من التقديم وهذا ما يعجبة اللي يقول : ناشف ولاه طري .. واللي يقول ناقص ملح أو زائد .. واللي تقول لك بقى ده أنتِ ما شفتي أكل فلانه طب دية بتجيب مكسرات جايبها من مش عارفه أية ....
أنتِ أم الدنيا يا مصر شيله الكـل ومطيبهم وأكلهم وشربهم ومعالمهم ببلاش والله وفي الأخر ده جزاكي ..
بـــس وحياتك ياآآماه الثورة إ، شاء الله راح تــــــكمل غصب عن الكل وعن حقد الحاقدين
أقول بقى ح اتصل تاااني تكوني شديدتي حيلك كده .. ومعلشي أنتِ أرقى وأعلى من ولاد المخلوع وحكام الحزب الوااااطي والدول أأييها أنتِ فوق الكـل بأمر الله وبحضنك الدافي يأااماه .. فوتك بعافيه خدي بالك من نفسك والنبي علشان خاطرك كلنا محتاجينك
عزيزتى بوسى كات كما اعرفك على موقع التويتر كان لى شرف معانقة حروف مدونتك الراقيه واعجبتنى هذه الرسالة التى تحتوى على كم من المشاعر المتناقضة والتى تبين مدى القهر والتخوف على حال البلد وما تمر به من ازمات فى الوقت الحالى واقول تفائلى بالله خير وسيكون كل شئ على ما يرام فالام تمرض ولكنها لا تموت كل الود لقلمك
ReplyDelete