كـلـــنا مـصـــر

كـلـــنا مـصـــر



كلنا خالد سعيد .. كلنا سيد بلال .. كلنا مينا دانيال .. كلنا علاء عبد الهادي .. كلنا الشيخ عماد

كلنا مصر ،كلنا مصريين ،كلنا نبني مصر ...الكل بالكل والكل للكل كلنا أهل مصر مصر كانت حلوة قوي يوم 25-1-2012 أهلها رجعوا من الغُربة بجد رجعوا والله رجعوا في لحظة رجعوا ملايين و آلاف مؤلفة من الشعب المصري يمكن مختلفين آآآه .. بـــس اختلاف موش خلاف ،والأختلاف ده شئ صحي وجميل آآآه والله كلنا بأختلفنا ده بنكمل بعض

" ولو شاء ربك لجعل الناس أمة واحدة ولا يزالون مختلفين "

ولكن الحكمة التي أقيم عليها نظام هذا العالم اقتضت أن يكون نظام عقول البشر قابلاً للتطوح بهم في مسلك الضلالة أو في مسلك الهدى على مبلغ استقامة التفكير والنظر ، والسلامة من حجب الضلالة

كلنا إخوان.. مفيش حاجة اسمها إخوان مسلمين .. وإخوان غير مسلمين كلنا إخوان وكلنا مصريين

هنبني و نعمر كل شبر فبلدنا و نصنع تاريخ جديد بايدينا امتداد لتاريخ اجدادنا .. وعلشان لما يجي ولادنا يسألونا أنتم ساهمتم في تغير مصر . نفخر بأننا كنا فعلاً و أثبتنا مقولة : البركه فى اللمة

شعب مصر قال : كفاية.. الشعب لابد أن يسترد حقه..

يا أيها المسؤلون المطرمخون القاعدون على قلب هذا الوطن .. اللي ياكل لوحده يزور آي والله .. وخدوا بالكم الشباب اللي نزل وأستشهد

وقدموا الروح الغالية لمصر وقدموا نور العيون فداء مصر الحرة  الحلوة الجميلة أم الدنيا وأم العجائب

شباب مصر وكل أهل مصر أثبتوا انه لسه ورد الجناين بيفتح فى مصر.. وان الثورة مستمرة لحد ما تحقق أهدافها ومطالبها

برغم كل شئ وبرغم سياسة دوخيني يا لمووونة اللي دورنا فيها

الشعب المصري رجع الميدان علشان يأكد ان مصر دولة حرة عمرها ما تكون معسكر محكوم من رجال العسكر تاني

وأنهم موش ح يضحكم عليهم بــ سياسة سد الأخرام المتابعة من العسكر .. العسكرالكاذبون

اللي قالوا وصرحوا في الأحاديث الصحفية والتلفزيون .. أنهم حموا الثورة وانهم يديروا شئون مصر لفترة أنتقالية لا تزيد عن 6 شهور

وبعد تعديل الدستور اللي المفروض أنه كان أسمة تعديل دستوري وما بقاشي .. ح تكون في انتخابات رئاسية . وبعد ما يجي الرئيس ويكون في برلمان منتخب راح تتشكل لجنة من 100 فرد من كافة الطياف لعمل دستور توافقي .. في عام في اتنين المهم دستور . دستور يليق بمصر بعد الثورة  

يا ناس ياهوو كنا نعيش فى نظام شبه رئاسى شبه برلمانى، وصحافة شبه حرة، وحكم شبه ديمقراطى .. يعنى إحنا كنا شبه عايشين

وكده يعني ..أيه ح نرجع تاني لأ وألف لأ عمرنا ما ح نسمح أننا نرجع للخلف در أبداااااااً فهمين أبدااااااً

مصر المحروسة  يا ولاد دولة غنية بأهلها وناسها وخيرها اللي ربنا طارح فيه البركة دايماً وموش شباب الثورة هو اللي معطل النمو الأقتصادي ده فساد سنين وسوس معشش وعامل أنه لهو خفي

المصريين رجعوا الميدان وقالوا كلمتهم .. يسقط يسقط حكم العسكر .. لــن نسمح لعقول فقيرة في الفهم والفكر والأبداع ان تحكم

وأكدوا ان العسكر كاذبون فــ  أيه بقـــــى أحنا شعب عنيد وعجيب وفي الميدان لحد ما يجي الرئيس الجديد وهو اللي يشكل لجنة دستورية توافقية لوضع الدستور

قالوا الحق حباله طويلة قلنا هانخلق مليون حيلة علشان نصرخ ونقول لا ... وجودنا 25-1-2012  في المسيرات وميادين الحرية بكل محافظات مصر أثبت أننا عائلة واحده الفرد للكل والكل للفرد

وعلشان كده ياولاد مصر حلوة الحلوات

جيني الثائرة

ويهل علينا 25 يناير من عام 2012 والثورة مستمرة

ليلة 25 يناير من عام 2012 .. عدت سنه من يوم 25يناير 2011 وأحنا يامصر متعبناش وميأسناش
عدت سنة يامصريين واللي قتلوا أخوتنا في الميدان فين؟
عدت سنة يا مصريين واللي سرقوا فلوسنا فين ؟
المشير هـل علينا اليوم وبيقول لقد قررت الغاء حالة الطوارئ .. من اللي مكنك أنك تقرر وتقف أمام الشاشة وتخطب !
موش برضو الثوار .. الثوار اللي استشهدوا واللي اتصابوا واللي في الزنازين واللي مكملين في الميادين
عدت سنة على الثورة وأمس كان أول برلمان ليكي يا مصر منذ بداية الثورة برلمان في الأخوان اللي كانوا جماعة محظورة هما الأغلبية
أيو أغلبية واللي أنتخبهم الشعب .. أيوة عارفين وموش خايفين منهم ولاه عندنا فويبا منهم .. الشعب اللي ثار على مبارك جابهم البرلمان فــلاتندموا مصـــر فوق الجميع يا بشر كل المهم عندنا أنه يكون في خدمتك ياغالية يا أم الدنيا يامصر
والشعب هو اللي ح يدافع عن حقة لو ماكانوا قد المسئولية ..
أحنا الشعب .. احنا الشعب الخط الأحمر
يا شعب ياللي دفع تمن حرية الشوارع دم أحفظ أسامي الشهداء صم

أحنا الشعب نازلين بكرة كل ميادين مصر أحنا ولادك يا مصر قالوا علينا عدننا في الليمون 85مليون اسم الله علي ولادك يا مصر يحرسهم ويحميهم من العين ما يعرفوا أنه عددنا مصدر قوتنا
نازلين علشان لسة رغيف العيش بتجاب بالعافية والوقفة في الطوابير
لسة الحرية ما تحققت ولسه في محاكمات عسكرية للمدنيين
لسة العدالة الأجتماعية ما تحققت لسه ما في حد أدنى لــ الأجور لآجل بلدنا تشوف النور وحد أقصى لــ الأجور لــ الي عايش في القبور
لسة كرامة المواطن المصري موش عزيزة على حكامها شهداء ماتوا وما خدنا طارهم وشهداء لسة دمهم بيضخ في الثورة ويقول فداكي يا مصر
مصر يا أم ولادك أهم .. دول علشانك شالوا الهم
خلاااااص يا مصريين ولاخوف ولا رعب من الحواجز الأسمنتية والأسلاك الشائكةاللي محوطة ميدان التحرير لحد كل السلطة ما تبقى في أيد الشعب
أنزل بكرة يا مصري ميادين الحرية في مصر تنتظر
في عيال في الشوارع جعانين وفي ناس في العشوائيات بردنين
وشباب زي الورد صفوا عيونها ودم الشهداء لسة على الأسفلت في التحرير
وأم الشهيد نار قلبها ما تنطفي بتنوح وتقول القصاص القصاص
فـــ هل من مجيب !

صلي .. أفطر كويس .. أضحك في وش أهلك علشان يدعوا لك وأن قدرت خدهم معاك هما وأصحابك .. ألبس جينز وكوتشي ..فضي كارت الميموري .. وأشحن الموبيل .. رقمك القومي في جيبك وموبيلك في أيدك .. رقم الدفاع عن المتظاهرين 0163347782..0120624003 ورقم الدعم الطبي 0109952374

الثورة مستمرة سلمية ونظافة الميدان واجبة ولو قابلت الطرف التالت قله روح أقعد أبكي على النظام اللي سقط
لـــــسه يا حبيبتي يا مصر عندي كلام كتير أقوله بقى علشان أتغزل فيكي وفي جمالك وأحكي عن عجايبك .. بــــــس من كتر اللي جواي ما هو كتير أوي جداً خالص ..عاجزة أني أقول أي شئ غير أني مغرمة صبابا في عشقك يا مصر

جيني الثائرة

بهية وأحلامها الوردية

بهية فلاحة شابة تتقاضى يوميا قدرا من الحليب مقابل عملها لدى احد كبارتجار الماشية

وذات صباح خطر لها أن تبيع اجر يوم )أي قدرا من الحليب  (في المدينة وهاهي تسير منتصبة القامة وقد استقر قدر الحليب فوق ضفيرة من القماش فوق رأسها

وإثناء سيرها أخذت تفكر في النقود التي ستحصل عليها من بيع الحليب

 وقالت لنفسها :هذه النقود سوف اشتري بها خمسين بيضة واضعها في الحاضنة فتعطيني كتاكيت تكبر وتصبح دجاجا يبيض بدوره بيضا كثيرا وأبيع هذا البيض وهكذا سوف يصبح لدي الكثير من الدجاج أربيه في فناء الدار ويكون لحمه لذيذا وأبيعه بثمن مرتفع لكن ماذا سأفعل بالربح الذي سأحققه آه يمكنني أن اشتري عنزة وخروفا لن يكلفني طعامهما كثيرا فالمراعي حولنا والعشب وفير وحينما يكبران أبيعهما واشتري بقرة وعجلها الصغير ونشرب من حليب البقرة ما يكفينا واصنع بالباقي زبده وقشطه من التي يحبها أهل المدينة واستمتع بمنظر البقرة وعجلها وهو يجري ويقفز بين المروج فاجري وراءه واقفز أنا أيضا هكذا وأنا سعيدة ولما قفزت هيا أيضا سقطت قدر الحليب فوق الأرض واختلط بالتراب والطين وطبعا لم تكن بهية سعيدة في هذه تلك اللحظة فوداعا إذن للعجل والبقرة والدجاج والبيض والكتاكيت وعادت بهية إلى دارها وهي حزينة ودموعها تغرق وجهها بعد أن تبددت ثروتها بطريقة لم تكن تتوقعها

وغضب زوجها وقال لها لا فائدة من البكاء على الحليب المسكوب ولا على الاستغراق في الأحلام الوردية المستحيلة

بنهاية الكلام ماذا نستخلص من هذه القصة
ببساطة إنها الأحلام التي كانت تراودنا عن مستقبلنا ونتمنى تحقيقها لمـــــصرنا الغالية بعد يوم 11/2/2011

ســــتظل ثورتنا مستمرة حتى نحقق الحرية والكرامة والعداله الجتماعية لكل مواطن فيكي يا مصر

كيف ؟؟؟ .. بالعمل بجد ونشاط واجتهاد ومن جد وجد ومن سار على الدرب وصل

ولكم مني أجمل المحبة  

جيني الثائرة

أبحث عن خروج آمن من المنزل يوم 25 يناير

أااااحم أاااحم ... عاوزة أقول لكم حاجة بـــس ما تضحكوا على حالي
أنا أبحث عن خروج آمن من المنزل يوم 25 يناير
طبعاً موووووش مشكلة مع نفسي ولاه مشكلة أني موووش حاسمة موقفي ..لا آبـــ سولوووتلي
المشكلة مع ماما وبابا يا شباب
آآآه تخيلوا لا أاااانـــــي خااايفة من العسكر ولاه من اعتقال ولاه من تخوين بعضهم لــــنا
آآآه كل خوفي من خناقة بابا وماما
وعلى فكرة هما موووش ضد الثورة ولاه ضدي والحمد لله هما واثقين فيا
بــــــس
هما بيخافوا علي أوووي جداً خالص لدرجة الخنقة
وأنا موووش بحب أزعلهم دايم لما أنزل ويتصلوا بيا بطمنهم عليا وموش بتأخر علشان ما يقلقون عليا
بــس وطبعاً نظراً لأنتشار نظرية المخطط .. وحملة التخوين العتقالات على الثوار
أهلي مثلهم مثل أي أب وأم بيخافون عليا وشكله كده في مخطط عائلي لأعتقالي بالبيت في هذا اليوم
أعمل أيه يااااخوااااتي أنا لو ما نزلت موش ح أحترم نفسي .. وح أفضل حسه طوال عمري بالتقصير في عدم مشاركتي
حدش عنده كلمتين يمسه القلب لهم مفعول السحر على بابا وماما يخليهم يقول لي أنزلي ويا ترجعي منصورة يا ترجعي شهيده
أنتظر ردكم بــس بالله عليكم تفيديوني باللي ينفع
لا أريد كلام من أقعدي وموش ح تيجي عليكي واليوم ده ملامحة موش واضحة .. ولا أريد كلام قاسي على أهلي هما ما يعارضون ولايقسون عليا هما بس خوفهم عليا أكبر من حبهم ليا .. متفقين يالاه ح استنى ردودكم ... وياااااسلام لو يكون كاتب روائي أو محاااااامي ( حقوق أنسان )
جيني الثائرة اللي موووووش عارف تتمرد على أهلها